کیلیفورنیا: میٹا کی ملکیت والی انسٹنٹ میسجنگ ایپلی کیشن واٹس ایپ نے صارفین کو نئے رنگوں اور آئیکونز کے ساتھ نیا یوزر انٹرفیس معارف کرانے کا اعلان کر دیا۔
واٹص ایپ کی نیوز ٹریکر فیچر ویب بیٹا انفو کے مطابق نئے رنگوں اور آئیکونز کے ساتھ ایپ کا نیا انٹرفیس انسٹنٹ میسجز ایپ کے تازہ ترین اپ ڈیٹ کے حصے کے طور پر جاری کیا جائے گا۔ فیچر ٹریکر کی جانب سے کہا گیا کہ واٹس ایپ ایک نئے سیکشن پر کام کر رہا ہے جہاں صارفین مستقبل کی اپ ڈیٹ میں ایپ کے نئے مین برانڈنگ رنگ کا انتخاب کر سکیں گے۔
جیسا کہ اسکرین شاٹ میں دیکھا جا سکتا ہے، واٹس ایپ ایک نئے سیکشن پر کام کر رہا ہے جہاں صارفین مستقبل کی اپ ڈیٹ میں ایپ کے نئے مین برانڈنگ رنگ کا انتخاب کر سکیں گے۔ پانچ مختلف رنگوں کی رینج میں سے ایک نیا رنگ منتخب کرنا ممکن ہو گا، جس سے صارفین تجربہ کر سکیں گے اور ان کی ترجیحات کے مطابق بہترین رنگ تلاش کر سکیں گے۔
فیچر ٹریکر ویب بیٹا انفو کے مطابق یہ نیا فیچر صارفین کو ایک مختلف رنگ کے ذریعے اپنے آپ کو اظہار کرنے کی آزادی دیتا ہے جو ان کی شخصیت کے ساتھ گونجتا ہے۔ ان صارفین کے لیے جو کلر بلائنڈ ہیں یا ذاتی سکون کی بنیاد پر مخصوص رنگ کی ترجیحات دیتے ہیں، بنیادی برانڈنگ کا رنگ تبدیل کرنے کی صلاحیت ایپ کو یقینی طور پر زیادہ صارف دوست بنا سکتی ہے۔
ویب بیٹا انفو کی رپورٹ کے مطابق یہ فیچر ابھی ٹیسٹنگ کے مراحل میں ہے آور اسے جلد ہی آئی او ایس صارفین کے لیے متعارف کرا دیا جائے گا۔