کراچی ، معروف اداکارہ ماہرہ خان نے اپنے میک اپ آرٹسٹ بابر ظہیر کو " جگر کا ٹکڑا " قراردے دیا ۔ پاکستان کی انٹرنیشنل سٹار ماہرہ خان نے اپنے میک اپ آرٹسٹ اور قریبی دوست بابر ظہیر کی سالگرہ پر محبت بھرا پیغام سوشل میڈیا پر شیئر کردیا ۔
ماہرہ خان کی طرف سے بابر ظہیر کو سالگرہ پر مبارکباد کے پیغام کو لاکھوں افراد نے دیکھ لیا ۔ ماہرہ خان نے سوشل میڈیا پر اداکارہ ماہرہ خان نے اپنے میک اپ آرٹسٹ بابر ظہیر کے ساتھ گزارے گئے لمحات کی ویڈیو شئیر کی اور انہیں سالگرہ کی مبارکباد دیتے ہوئے کہا کہ میرے جگر کا ٹکڑا، میرا بابر، تم اچھی طرح جانتے ہو کہ تم میرے لیے کتنے اہم ہو، میں شکرگزار ہوں کہ ہم ایک دوسرے سے ملے۔
ماہرہ خان نے انسٹا گرام پر اپنے پیغام میں لکھا کہ ہمارا یہ تعلق ہمیشہ محبت عزت اور خوشیوں سے بھرا رہے ہم ایسے ہی ڈانس کرتے اور گانے گاتے رہیں ۔ میں ہمیشہ تم سے پیار کرتی رہوں گی ۔ سالگرہ مبارک