بشریٰ بی بی نے 26 نومبر کے احتجاج سے متعلق ایک اور مقدمے میں ضمانت قبل از گرفتاری کی درخواست دائر کر دی

راولپنڈی:بشریٰ بی بی کے وکلا نے آج 26 نومبر کو پی ٹی آئی کے جتھے کے اسلام آباد میں غیر قانونی داخلے اور احتجاج کے مقدمے میں ضمانت قبل از گرفتاری کی درخواست دائر کر دی۔
عدالت عالیہ نے تفتیشی افسر کو ہدایت دی کہ وہ اڈیالہ جیل جا کر بشریٰ بی بی کو تفتیش میں شامل کرے اور 17 فروری تک اپنی رپورٹ پیش کرے۔
یہ مقدمہ بشریٰ بی بی پر Peaceful Assembly and Public Order Act 2024 اور اسلام آباد ہائی کورٹ کے حکم کی خلاف ورزی کے الزام میں درج کیا گیا ہے، جس کے تحت تین سال تک قید کی سزا ہو سکتی ہے۔
دوسری جانب بشریٰ بی بی کے خلاف 26 نومبر کے 31 مقدمات کی سماعت آج ہوئی، جس کی سماعت اے ٹی سی کے جج امجد علی شاہ اڈیالہ جیل میں کی۔ بشریٰ بی بی اس وقت 26 نومبر کے تمام مقدمات میں عبوری ضمانت پر ہیں۔