پشاور:بیٹے کی خواہش رکھنے والی خاتون کے سر میں جعلی پیر نے کیل ہی ٹھونک دیا ،جعلی پیر کا کہنا تھا ایسا کرنے سے اس کے ہاں بیٹا پیدا ہو گا ۔
تفصیلات کے مطابق جعلی پیر نے اولاد کی خواہشمند خاتون کے سرمیں کیل ٹھونک دی ،جعلی پیر نے کہا،کیل ٹھونکنے سے بیٹا پیدا ہوگا۔
ڈاکٹر حیدر کے مطابق لیڈی ریڈنگ ہسپتال پشاور میں خاتون آئی جس کے سر میں کسی پیر نے کیل ٹھونک دی تھی، وجہ پوچھنے پر خاتون مریضہ نے بتایا کہ وہ بیٹا پیدا کرنا چاہتی ہے جس کےلئے پیر نے اس کے سر میں کیل ٹھونک دی۔
ہسپتال انتظامیہ کا کہنا ہے مریضہ کے سر سے کیل نکال دی ہے جس کے بعد وہ گھر چلی گئی۔ خاتون کی تصاویر سوشل میڈیا پر وائرل ہونے کے بعد پولیس نے ایکشن لیتے ہوئے جعلی پیر کیخلاف کاروائی شروع کر دی ۔
پولیس حکام کا کہنا ہے جو بھی ذمہ دار ہوا قانون کےمطابق سخت کارروائی کریں گے۔