اسلام آباد:حکومت نے اسلام آباد ایئرپورٹ کو 15 سال کیلئے آؤٹ سورس کرنے کا فیصلہ کرلیا۔حکومت نے اسلام آباد ایئرپورٹ کو 15 سال کیلئے آؤٹ سورس کرنے کا فیصلہ کیا ہے۔ سول ایوی ایشن اتھارٹی نے بین الاقوامی ٹینڈر جاری کردیاہے۔
حکومت نے اسلام آباد ایئرپورٹ کو 15 سال کیلئے آؤٹ سورس کرنے کا فیصلہ کیا جس کے بعد سول ایوی ایشن کی جانب سے آؤٹ سورسنگ کیلئے بین الاقوامی ٹینڈر جاری کردیا گیا۔
سول ایوی ایشن اتھارٹی نے خواہشمند کمپنیوں کو 8 نومبر تک درخواستیں جمع کرانے کی ہدایت کی ہے۔ٹینڈر کے مطابق درخواست کے ساتھ کمپنیوں کو 5 ہزار ڈالر (ناقابل واپسی) کی رقم جمع کرانا لازمی ہوگی۔
حکام کا کہنا ہے کہ ایئرپورٹس آؤٹ سورس کرنے سے ملک میں زرمبادلہ آنے کے ساتھ ساتھ ان ہوائی اڈوں پر بین الاقوامی معیار کی سہولیات بھی مسافروں کو میسر آئیں گی۔
