ارشد ندیم نے کامن ویلتھ گیمز میں گولڈ میڈل جیت کر پاکستان کا سر فخر سے بلند کر دیا: وزیراعظم

اہم خبریں پاکستان 
  نیوویب ڈیسک
ارشد ندیم نے کامن ویلتھ گیمز میں گولڈ میڈل جیت کر پاکستان کا سر فخر سے بلند کر دیا: وزیراعظم

اسلام آباد: وزیر اعظم میاں محمد شہباز شریف نے کہا ہے کہ ارشد ندیم نے کامن ویلتھ گیمز میں پہلا گولڈ میڈل جیت کر پاکستان کا سر فخر سے بلند کر دیا ہے ۔

اپنی ٹویٹ میں وزیر اعظم نے کہا کہ آج صبح سویرے اٹھتے ہی حیرت انگیز خبر سننے کو ملی کہ پاکستانی ایتھلیٹ نے جیولین تھرو میں گولڈ میڈل جیت لیا ۔ انہوں نے مزید کہا کہ ارشد ندیم کی مستقل مزاجی ، جذبہ اور محنت ہمارے نوجوانوں کے لیے سبق آموز ہے ۔ ارشد صاحب کو اُن کی شاندار کامیابی پر مبارکباد پیش کرتا ہوں ۔

گورنر پنجاب کی حکومت کو پیش کش، سڑکیں کھولنے اور استعفیٰ دینے کا اعلان

جیولن تھرو میں گولڈ میڈل جیت کر پاکستان کا نام روشن کرنے پر پاکستان مسلم لیگ ن کی نائب صدر مریم نواز نے بھی ارشد ندیم کو شاباش دی ہے ۔

اس سے قبل چیف آف آرمی سٹاف جنرل قمر جاوید باجوہ نے کامن ویلتھ گیم میں نیا ریکارڈ بنانے پر ارشد ندیم کو مبارکباد پیش کرتے ہوئے کہا ہے کہ وہ قوم کا فخر اور ہمارے قومی ہیرو ہیں ۔

پاکستان کی مسلح افواج نے ارشد ندیم کو کامن ویلتھ گیمز میں شاندار کارکردگی اور جیولین تھرو میں پاکستان کے لیے گولڈ میڈل جیتنے پر مبارکباد دی ۔ پاکستان کا سر فخر سے بلند کرنے پر شاباش دی ۔

سپریم کورٹ بار ایسوسی ایشن کا دھرنوں اور احتجاج کی مذمت، انتظامیہ سے راستے کھولنے کا مطالبہ

کامن ویلتھ گیمز میں پاکستانی ایتھلیٹ نے جیولین تھرو میں گولڈ میڈل جیت لیا ۔ ارشد ندیم 90 میٹر سے لمبی تھرو کرنے والے پہلے پاکستانی بن گئے ۔

جیولین تھرو کے فائنل میں پاکستان کے ارشد ندیم نے پانچویں باری میں ریکارڈ تھرو کی ، کامن ویلتھ گیمز میں شاندار کارکردگی سے ارشد ندیم نے کروڑوں پاکستانیوں کے دل جیت لیے ۔

جیولین تھرو میں گولڈ میڈل جیتنے والے ارشد ندیم نے کہا کہ سب سے پہلے اللہ کا شکر ادا کرتا ہوں ۔ کہنی اور گھٹنے کی انجری کے باوجود ہمت نہیں ہارا ، پُر اعتماد تھا کہ آج گولڈ میڈل ضرور جیتوں گا ۔ جذبہ تھا کہ گولڈ میڈل جیتنا ہی ہے ۔ اگر نیرج چوپڑا ہوتے تو اور بھی مزہ آتا ۔ انہوں نے کہا کہ انشاء اللہ ترکیہ میں اسلامک گیمز میں بھی میڈل جیتوں گا ۔

ایلون مسک کی نیورالنک کو کینیڈا میں انسانی آزمائش کی منظوری

خیال رہے کہ پاکستان کرکٹ بورڈ (پی سی بی) کی جانب سے بھی گولڈ میڈل جیتنے پر ارشد ندیم کو مبارکباد پیش کی گئی ہے ۔

مصنف کے بارے میں