ارشد ندیم قوم کا فخر اور ہمارے قومی ہیرو ہیں: آرمی چیف

اہم خبریں پاکستان 
  نیوویب ڈیسک
ارشد ندیم قوم کا فخر اور ہمارے قومی ہیرو ہیں: آرمی چیف

راولپنڈی: چیف آف آرمی سٹاف جنرل قمر جاوید باجوہ نے کامن ویلتھ گیم میں نیا ریکارڈ بنانے پر ارشد ندیم کو مبارکباد پیش کرتے ہوئے کہا ہے کہ وہ قوم کا فخر اور ہمارے قومی ہیرو ہیں ۔

تفصیلات کے مطابق پاکستان کی مسلح افواج نے ارشد ندیم کو کامن ویلتھ گیمز میں شاندار کارکردگی اور جیولین تھرو میں پاکستان کے لیے گولڈ میڈل جیتنے پر مبارکباد دی ہے ۔ پاکستان کا سر فخر سے بلند کرنے پر شاباش ۔ پاکستان زندہ باد

توشہ خانہ ٹو کیس : بانی پی ٹی آئی اور بشریٰ بی بی کی بریت کی درخواستوں پر فریقین کو نوٹس

کامن ویلتھ گیمز میں پاکستانی ایتھلیٹ نے جیولین تھرو میں گولڈ میڈل جیت لیا ۔ ارشد ندیم 90 میٹر سے لمبی تھرو کرنے والے پہلے پاکستانی بن گئے ۔

جیولین تھرو کے فائنل میں پاکستان کے ارشد ندیم نے پانچویں باری میں ریکارڈ تھرو کی ، کامن ویلتھ گیمز میں شاندار کارکردگی سے ارشد ندیم نے کروڑوں پاکستانیوں کے دل جیت لیے ۔

جیولین تھرو میں گولڈ میڈل جیتنے والے ارشد ندیم نے کہا کہ سب سے پہلے اللہ کا شکر ادا کرتا ہوں ۔ کہنی اور گھٹنے کی انجری کے باوجود ہمت نہیں ہارا ، پُر اعتماد تھا کہ آج گولڈ میڈل ضرور جیتوں گا ۔ جذبہ تھا کہ گولڈ میڈل جیتنا ہی ہے ۔ اگر نیرج چوپڑا ہوتے تو اور بھی مزہ آتا ۔ انہوں نے کہا کہ انشاء اللہ ترکیہ میں اسلامک گیمز میں بھی میڈل جیتوں گا ۔

لاس اینجلس کے شمال میں جنگلات میں نئی آگ لگ گئی، 25 ہزار افراد کو انخلا کا حکم

خیال رہے کہ پاکستان کرکٹ بورڈ (پی سی بی) کی جانب سے بھی گولڈ میڈل جیتنے پر ارشد ندیم کو مبارکباد پیش کی گئی ہے ۔

مصنف کے بارے میں