کراچی : گزشتہ روز کی ریکارڈ مندی کے بعد آج پاکستان سٹاک مارکیٹ میں کاروبار کے دوران مثبت رجحان دیکھنے کو ملا۔ کاروباری ہفتے کے دوسرے روز سٹاک مارکیٹ میں زبردست تیزی آئی، اور ہنڈرڈ انڈیکس 1600 سے زائد پوائنٹس کے اضافے کے ساتھ ایک لاکھ 16 ہزار 602 پوائنٹس تک پہنچ گیا۔
یاد رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس 3882 پوائنٹس کی کمی کے ساتھ ایک لاکھ 14 ہزار 909 پوائنٹس پر بند ہوا تھا۔ دوسری جانب انٹربینک مارکیٹ میں امریکی ڈالر کی قدر میں 7 پیسے کی کمی ہوئی، جس کے بعد ڈالر 280.57 روپے سے کم ہو کر 280.50 روپے پر آ گیا۔
