کراچی : وفاقی وزیر تجارت جام کمال کاکہنا ہےکہ صرف ایک بٹن دبانے سے ایکسپورٹ نہیں بڑھےگی، برآمدات کے فروغ کے لیے اقدامات کیے جا رہے ہیں۔نیوز کانفرنس کرتے ہوئے وفاقی وزیر تجارت جام کمال کاکہنا تھاکہ صرف ایک بٹن دبانے سے ایکسپورٹ نہیں بڑھےگی، برآمدات کے فروغ کے لیے اقدامات کیے جا رہے ہیں۔
انہوں نے مزید کہاکہ تاجروں کی تجاویز پر مکمل غور کیا جائے گا، ملک کے معاشی مسائل حل کرنے کے لیے بھرپور اقدامات کر رہے ہیں، چیلنجز کا سامنا کرکے ملک کو ترقی کی راہ پر گامزن کریں گے۔
وفاقی وزیر تجارت جام کمال نے کہا کہ سیاسی عدم استحکام ہر ملک میں ہوتا ہے۔ بجلی بھی مہنگی ہے، اوراس کا غیرضروری استعمال بھی ہو رہا ہے، صرف ایک بٹن دبانےسےایکسپورٹ نہیں بڑھےگی، پڑوسی ممالک کے ساتھ تجارت میں اتار چڑھاؤ آتا ہے۔
جام کمال نے کہا کہ ملک میں سرمایہ کاری کے مواقع موجود ہیں، حکومت جلد توانائی کے مسائل پر قابو پا لے گی، ہم نے بجلی چوری کی روک تھام اور لائن لاسز کم کرنے کی ہدایت کی ہے
