چارسدہ: خیبرپختونخوا میں پولیس سٹیشن پر نامعلوم دہشت گرد دستی بم پھینک کر فرار ہو گئے جس کے نتیجے میں ایک پولیس اہلکار شہید ہو گیا۔
تفصیلات کے مطابق پشاور کے علاقے چارسدہ میں دستی بم حملے کا افسوسناک واقعہ خانمائی پولیس سٹیشن پر پیش آیا جس کی سی سی ٹی فوٹیج بھی سوشل میڈیا پر وائرل ہو گئی ہے۔
ویڈیو میں دیکھا جاسکتا ہے کہ دو موٹر سائیکل سواروں نے تھانے پر دستی بم پھینکا اور فرار ہو گئے، دھماکے کے نتیجے میں ایک پولیس اہلکار شہید ہو گیا۔
خانمائی چارسدہ پولیس سٹیشن پر بم حملے کی سی سی ٹی وی فوٹیج pic.twitter.com/gBKa9kvQym
— Khalid khan (@Khalid_Peshawar) September 6, 2022
حملہ آوروں نے چہرے ڈھانپ رکھے تھے جو بم پھینک کر باآسانی فرار ہو گئے جبکہ حملے میں شہید میر عالم کی نماز جنازہ پولیس لائن چارسدہ میں سرکاری اعزاز کے ساتھ ادا کر دی گئی۔
