نئی دہلی :بھارتی میڈیا ایک بار پھر دنیا میں بھارت کی جگ ہنسائی کا سبب بن گیا،خود بھارتی اخبار نے مودی سرکار کی سرپرستی میں پاکستان مخالف جھوٹی خبروں کا بھانڈا پھوڑ دیا۔
بھارتی اخبار نے اپنی رپورٹ میں اعتراف کیا کہ پاکستان نے افغانستان میں کوئی کارروائی نہیں کی ، بلکہ بھارتی میڈیا نے ویڈیو گیم مناظر اور پرانی تصاویر کو ملا کر فیک نیوز چلائی ۔
It is not a surprise that Modi's fascist regime’s fake news industry has been caught peddling lies yet again. The world will pay a heavy price if it continues to ignore India’s destabilising policies, consequences of which go well beyond the region. pic.twitter.com/YvZPC9Gp3T
— Moeed W. Yusuf (@YusufMoeed) September 7, 2021
بھارتی اخبار دی پرنٹ کی رپورٹ کے مطابق دی ہستی نامی بھارتی ٹی وی چینل نے پنجشیر میںآرما 3 ویڈیو گیم کے مناظر اور 2018 میں تباہ شدہ امریکی جیٹ طیارے کی تصویر استعمال کر کےپاکستان کو بدنام کرنے کی کوشش کی،جھوٹی خبر بنائی اور ٹی وی اسکرین پر چلا دی ،دی پرنٹ نے اعتراف کیا کہ نہ تو پاکستان نے پنجشیر میں کوئی فضائی کاروائی کی اور نہ ہی افغان صوبے میں پاکستان کی طرف سےکوئی دراندازی کی گئی۔
بھارتی اخبار کا مزید کہنا تھاایک چینل پر خبر چلنے کے بعد دیکھتے ہی دیکھتے تمام بھارتی میڈیا نے فیک نیوز کو بغیر تصدیق کے چلانا شروع کردیا اور ساتھ ہی ساتھ اس خبر کو سب سے پہلے نشرکرنے کے بھی جھوٹے دعوے کیے،پاکستانی قومی سلامتی کے مشیر معید یوسف نے اپنی ٹویٹ میں بھارتی حکومت کی سرپرستی میں بھارتی میڈیا پر چلتی جھوٹی خبروں کی نشاندہی کی،انہوں نے کہا بھارتی فیک نیوز کے حوالے سے بین الاقوامی میڈیا کی رپورٹس کے لِنک بھی شیئر کردیے۔
