اسلام آباد: انسداد کورونا کے قومی ادارے نیشنل کمانڈ اینڈ آپریشن سینٹر (این سی او سی) نے عالمی وبا کے کیسز دوبارہ بڑھنے کے تناظر میں تعلیمی اداروں کو بند کرنے سے متعلق خبروں کی سختی تردید کر دی ہے۔
خیال رہے کہ سوشل میڈیا پر یہ خبریں وائرل ہوئیں تھیں کہ این سی او سی نے ملک بھر میں تعلیمی اداروں کو دوبارہ بند کرنے کا اعلان کر دیا ہے۔
این سی او سی کے ٹویٹر اکاؤنٹ سے جاری وضاحتی بیان میں کہا گیا ہے کہ سوشل میڈیا میں یہ خبریں زیر گردش ہیں کہ ملک بھر میں 6 ستمبر سے 30 ستمبر تک تمام تعلیمی اداروں کو بند کرنے کا فیصلہ کیا گیا ہے، یہ خبر محض افواہ ہے، ایسا کوئی فیصلہ نہیں کیا گیا۔
This social media news regarding closure of education institutions from 6 to 30 Sep across the country is fake. No such decision made at NCOC. Please avoid rumors. pic.twitter.com/9T8DnQ9Grx
— NCOC (@OfficialNcoc) September 6, 2021
ٹویٹ میں عوام سے اپیل کی گئی ہے کہ وہ ایسی خبروں سے بچیں۔ نیشنل کمانڈ اینڈ آپریشن سینٹر کے اجلاس میں سکولوں یا تعلیمی اداروں کی بندش کا کوئی فیصلہ نہیں کیا گیا۔
دوسری جانب صوبہ پنجاب میں کورونا کے بڑھتے کیسوں کے پیش نظر تمام سرکاری اور نجی سکول ان دنوں بند ہیں۔ اس سلسلے میں صوبائی وزیر تعلیم مراد راس کی جانب سے جاری بیان میں کہا گیا تھا کہ صوبے بھر میں 6 ستمبر سے 11 ستمبر تک تمام تعلیمی ادارے بند رہیں گے۔
ANNOUNCEMENT:
— Murad Raas (@DrMuradPTI) September 3, 2021
All Public & Private Schools of Punjab to be closed from September 6th to September 11th, 2021 due COVID 19 conditions. Please stay home and stay safe. Protect yourself and your families.
مراد راس کا کہنا تھا کہ یہ فیصلہ عالمی وبا کورونا کی موجودہ صورتحال کے پیش نظر کیا گیا ہے۔ انہوں نے عوام سے اپیل کی کہ وہ خود کو اپنے گھر والوں کی حفاظت کیلئے گھروں میں رہیں۔
