بھارتی کرکٹر پانڈیا کو پرینیتی چوپڑا کو ٹو یٹ کرنا مہنگا پڑ گیا

کھیل 
 
بھارتی کرکٹر پانڈیا کو پرینیتی چوپڑا کو ٹو یٹ کرنا مہنگا پڑ گیا

ممبئی: بھارتی کرکٹر ہاردک پانڈیا کو بالی وڈ اداکارہ پرینیتی چوپڑا کو ٹو یٹ کرنا مہنگا پڑ گیا اور ٹوئٹر پر انہیں سخت تنقید کا سامنا کرنا پڑ رہا ہے۔ بالی ووڈ اور کرکٹ کا آپس میں گہرا تعلق ہے اور کئی نامور کرکٹرز کے اداکاراؤں کے ساتھ معاشقے رہے ہیں جس میں بھارتی کپتان اظہر الدین، ویوین رچرڈ، محسن خان، یووراج سنگھ، ویرات کوہلی اور ہربھجن سنگھ شامل ہیں۔ کئی کرکٹرز تو بالی ووڈ حسیناؤں کے زلفوں کے اسیر ہو گئے اور رشتہ ازدواج میں بھی منسلک ہو چکے ہیں جس میں یووراج سنگھ اور ہربھجن سنگھ کے نام سر فہرست ہیں جب کہ ظہیر خان نے بھی بالی وڈ حسینہ کے ساتھ منگنی کر لی ہے۔ بھارتی کپتان ویرات کوہلی انوشکا شرما کے ساتھ معاشقے کے باعث ہمیشہ سے ہی تنقید کی زد میں رہے ہیں اور متعدد بار ان کی خراب کارکردگی کا ذمہ دار بھی انوشکا شرما کو ٹھہرایا گیا ہے۔

لاہور ہائیکورٹ : بانی پی ٹی آئی کے ویڈیو لنک پر پیشی کا نوٹیفکیشن کالعدم قرار

حال ہی میں بھارتی کرکٹر ہاردک پانڈیا کو بھی بالی وڈ اداکارہ کو سماجی رابطے کی ویب سائٹ ٹوئٹر پر جواب دینا مہنگا پڑ گیا اور ٹوئٹر صارفین نے انہیں سخت تنقید کا نشانہ بنایا۔ اداکارہ پرینیتی چوپڑا نے سائیکل کی تصویر پوسٹ کرتے ہوئے لکھا کہ دلچسپ ساتھی کے ساتھ بہترین سفر۔ اداکارہ کی ٹو یٹ کے جواب میں کرکٹر نے بھی لکھا کہ کیا میں بتا سکتا ہوں؟۔ میرے خیال سے بالی وڈ اور کرکٹ کا دوسرا تعلق ہے۔

پاکستان اور جنوبی افریقہ کے درمیان دوسرا ایک روزہ میچ آج کھیلا جائے گا

ہاردک پانڈیا کے ذومعنی جواب نے ہر طرف چہ مگوئیوں کا بازار گرم کر دیا تاہم بھارتی ٹوئٹر صارفین سیخ پا ہو گئے اور انہوں نے کرکٹر کو تنقید کا نشانہ بناتے ہوئے مفید مشورے بھی دیئے۔ ایک صارف لیکو مناہرہ نے کرکٹر کو مشورہ دیتے ہوئے کہا کہ لڑکا ہیروئن پر لٹو ہو چکا ہے، گیم پر دھیان دے بھائی۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں

تیونس میں تارکین وطن کی کشتی ڈوبنے سے 20 افراد ہلاک