بیت المقدس: غزہ کی پٹی سے اسرائیل پر اچانک7 ہزار راکٹ حملے کیے گئے جس کے نتیجے میں کم از کم 250اسرائیلی ہلاک 1100 سے زائد افراد زخمی ہوئے اور متعدد افراد کو یرغمال بنا دیا گیا ہے۔
عرب میڈیا کے مطابق حماس کے عسکری ونگ کے کمانڈر محمد الضیف ابو خالد کی طرف سے جاری بیان میں بتایا گیا ہے کہ آپریشن 'طوفان الاقصیٰ' میں اسرائیل پرمیزائل حملےکیے جا رہے ہیں۔ حماس ٹی وی کا کہنا ہے کہ 5000 کے علاوہ مزید 2000 راکٹ فائر کیے گئے جن کا حماس کے چیف کمانڈر نے اس آپریشن کے آغاز میں اعلان کیا تھا۔
اسرائیل کی ایمرجنسی سروسز کا کہنا ہے کہ فلسطینیوں کے حملے میں کم از کم 250 اسرائیلی ہلاک اور 1100 سے زائد زخمی ہو گئے ہیں جبکہ درجنوں افراد کو یرغمال بنا دیا گیا ہے۔
BREAKING: Hamas has taken 35 Israelis hostage
— The Spectator Index (@spectatorindex) October 7, 2023
بین الاقوامی میڈیا رپورٹس کے مطابق فلسطین اور اسرائیل کے درمیان نئی جنگ چھڑ گئی، غزہ سے اسرائیل پر ہزاروں راکٹ حملے ہوئے، غزہ سے راکٹ حملوں کے بعد تل ابیب سمیت پورے اسرائیل میں جنگ کے سائرن گونج اٹھے۔
اسرائیلی وزیر اعظم بنیامن نیتن یاہو نے ایک ویڈیو بیان جاری کرتے ہوئے کہا ہے کہ ’ہم حالتِ جنگ میں ہیں، اسرائیل کے وزیر دفاع یواو گیلنٹ نے کہا ہے کہ حماس نے ایک سنگین غلطی کی ہے اور یہ کہ 'اسرائیل کی ریاست یہ جنگ جیت جائے گی'۔
انڈیا میں اسرائیل کے سفیر نور گیلن نے ٹویٹ کیا کہ اسرائیل یہودیوں کی تعطیل کے دوران غزہ کی جانب سے مشترکہ حملے کی زد میں ہے۔ حماس کے دہشت گردوں کی راکٹ اور زمینی دراندازی دونوں طرف سے حملہ ہے۔ صورت حال سادہ نہیں ہے لیکن اسرائیل غالب آئے گا۔
Ambassador of Israel to India, Naor Gilon tweets, "Israel is under a combined attack from Gaza during the Jewish holiday. Both by rockets and ground infiltration of Hamas terrorists. The situation is not simple but Israel will prevail." pic.twitter.com/KgBmre2d4x
— ANI (@ANI) October 7, 2023
حماس کے اچانک حملے کے بعد اسرائیلی فوج کی جانب سے سرحدی بیس خالی کرا لیے گئے ہیں۔ اسرائیلی فوج نے جوابی کارروائی کرتے ہوئے غزہ پر فضائی حملے شروع کردیے جس میں اب تک کی اطلاعات کے مطابق 200 فلسطینی جاں بحق ہوچکے ہیں، اسرائیلی فوج کے حملوں سے غزہ میں فلسطینی وزارت داخلہ کی عمارت بھی تباہ ہوگئی ہے۔
اسرائیلی میڈیا کے مطابق جنوبی اسرائیل کے مختلف مقامات پر اسرائیلی اور فلسطینی افواج کے درمیان فائرنگ کا سلسلہ اب بھی جاری ہے۔
