اسلام آباد:بین الاقوامی کرکٹ کونسل (آئی سی سی) کا وفد 11 نومبر کو پاکستان پہنچے گا تاکہ چیمپئنز ٹرافی 2025 کے انتظامات اور اسٹیڈیم کی تعمیراتی پیشرفت کا جائزہ لے سکے۔ ذرائع کے مطابق، مہمان وفد قذافی اسٹیڈیم لاہور، نیشنل اسٹیڈیم کراچی اور راولپنڈی اسٹیڈیم کا دورہ کرے گا۔ اس دوران ایونٹ کے شیڈول کا بھی اعلان ہونے کا امکان ہے۔
مجوزہ شیڈول کے مطابق، چیمپئنز ٹرافی 2025 کا انعقاد 19 فروری سے 9 مارچ تک کیا جائے گا، لیکن اس بارے میں باضابطہ اعلان آئی سی سی کی جانب سے کیا جائے گا۔ وفد اپنے دورے کے دوران ہوٹلوں اور دیگر مقامات کا بھی جائزہ لے گا۔
