نیوزی لینڈ :آئی سی سی نے ٹیسٹ کرکٹ میں بیٹرز کی تازہ ترین عالمی رینکنگ جاری کر دی ہے، جس میں بھارتی بلے باز ویرات کوہلی کی آٹھ درجے تنزلی ہوئی ہے۔
نیوزی لینڈ کے خلاف 0-3 کی عبرتناک شکست کے بعد ویرات کوہلی بلے بازوں کی فہرست میں 14 ویں سے گر کر 22 ویں نمبر پر پہنچ گئے ہیں۔ انہوں نے تین ٹیسٹ میچوں میں صرف 93 رنز بنائے تھے۔
ٹیسٹ کرکٹ کے ٹاپ ٹین بیٹرز میں انگلینڈ کے جو روٹ پہلے، نیوزی لینڈ کے کین ولیم سن دوسرے اور انگلینڈ کے ہیری بروک تیسرے نمبر پر ہیں۔ بھارت کے یاشاسوی جیسوال ایک درجے کی تنزلی کے بعد چوتھے نمبر پر آ گئے ہیں، جبکہ آسٹریلیا کے اسٹیو سمتھ پانچویں نمبر پر برقرار ہیں۔
پاکستان کے سعود شکیل دو درجے کی تنزلی کے بعد نویں نمبر پر چلے گئے ہیں، جب کہ آسٹریلیا کے مارنس لبوشین اور نیوزی لینڈ کے ڈیرل مچل بالترتیب دسویں اور ساتویں نمبر پر ہیں۔
