واشنگٹن:امریکہ میں وسط مدتی انتخابات میں صرف ایک روز باقی رہ گیا، جوبائیڈن اورٹرمپ کی انتخابی مہم زور وشور سے جاری ہے۔
تفصیلات کے مطابق امریکہ میں 8 نومبر کو ہونے والے مڈٹرم انتخابات کے لئے4 کروڑ امریکی پہلے ہی ووٹ کاسٹ کر چکے ہیں ، ڈیمو کریٹس اور ری پبلکن دونوں ہی جیت کے دعوے کر رہے ہیں۔جوبائیڈن نے نیویارک میں مہم سےخطاب میں انتخابات کو امریکی جمہوریت کے لئے فیصلہ کن لمحہ قرار دیا ۔
ایوان نمائندگان کی 435، سینیٹ کی 35 نشستوں پر معرکہ ہوگا،50 ریاستوں میں سے 36 میں گورنر چنے جائیں گے، ریاستی اسمبلیوں اور مقامی سطح پر بھی انتخابات ہوں گے۔
