لاہور:ویسے تو اب تک بہت سی سیاسی ویڈیوز منظر عام پر آتی رہی ہیں لیکن اب مریم نواز نے خود سے فلمائی گئی ایک اور ویڈیو سوشل میڈیا پر شیئر کر دی ہے ۔
تفصیلات کے مطابق پاکستان مسلم لیگ ن کی نائب صدر مریم نواز نے گزشتہ روز فتح جنگ میں کئے گئے جلسے کے دوران ویڈیوگرافر کے فرائض بھی سرانجام دئیے ،مریم نواز نے مائیکرو بلاگنگ سائٹ ٹوئٹر پر فتح جنگ جلسے کی ایک ویڈیو شیئر کی۔
ویڈیو میں جلسے کو شاندار انداز میں کور کیا گیا ہے، جلسے کے شرکاء بھی ویڈیو میں واضح طور پر نظر آرہے ہیں،مریم نواز نے ویڈیو شیئر کرتے ہوئے کہا کہ یہ ویڈیو اُنہوں نے خود بنائی تھی۔
واضح رہے کہ گزشتہ روز مریم نواز کی جانب سے فتح جنگ میں کامیاب جلسہ کیا گیا تھا۔