کراچی: پاکستان ایئرپورٹس اتھارٹی (پی اے اے) نے حج 2025 کے لیے ای-بیلٹنگ کا عمل مکمل کر لیا۔ یہ تقریب پی اے اے ہیڈکوارٹرز کراچی میں منعقد ہوئی، جہاں ڈائریکٹر جنرل (اے وی ایم) ذیشان سعید اور منیجمنٹ کمیٹی کے ارکان موجود تھے۔ اس موقع پر قرعہ اندازی کا عمل کامیابی کے ساتھ مکمل کیا گیا۔
ڈائریکٹر جنرل پی اے اے نے ای-بیلٹنگ کے عمل کو 'اسٹارٹ بیلٹنگ' کے بٹن پر کلک کر کے شروع کیا، جس کے بعد ڈائریکٹر ہیومن ریسورس نے کامیاب امیدواروں کے نام کا اعلان کیا۔ پی اے اے کے مطابق اس عمل کے ذریعے حج پر جانے والے ملازمین کی تعداد میں اضافہ کیا جائے گا۔
انتظامیہ نے تکنیکی مسائل کی بنا پر تقریب کو فیس بک پیج پر لائیو نشر نہ کرنے پر افسوس کا اظہار کیا اور کسی بھی تکلیف پر معذرت کی۔