لاہور : ماہرین فلکیات نے 2025 کے رمضان کے حوالے سے پیش گوئی کی ہے کہ رواں رمضان المبارک 29 دنوں کا ہوگا اور عید الفطر 31 مارچ کو منائے جانے کا امکان ہے۔
ماہرین کے مطابق 30 مارچ کی شام کو عید الفطر کا چاند نظر آنے کا امکان ہے، اور غروب آفتاب کے وقت چاند کی عمر 26 گھنٹے ہوگی۔ اس دوران چاند نظر آنے کے امکانات واضح ہوں گے۔اگر رمضان کے 30 روزے پورے ہوتے ہیں، تو عید الفطر یکم اپریل (بروز منگل) کو منائی جائے گی۔ تاہم، چاند نظر آنے یا نہ آنے کا حتمی اعلان مرکزی رویت ہلال کمیٹی کی جانب سے کیا جائے گا۔
