کینیڈا : کینیڈا نے امریکا کی جانب سے کئی درآمدات پر ٹیرف ایک ماہ کے لیے مؤخر کرنے کے باوجود امریکی مصنوعات پر اپنی محصولات برقرار رکھنے کا فیصلہ کیا ہے۔ کینیڈا کے سینیئر سرکاری اہلکار کے مطابق، کینیڈا نے امریکی مصنوعات پر ٹیرف برقرار رکھنے کا فیصلہ کیا ہے اور یہ اقدام فی الحال تبدیل نہیں کیا جائے گا۔
کینیڈا کے وزیراعظم جسٹن ٹروڈو نے کہا ہے کہ کینیڈا امریکی انتظامیہ سے بات چیت جاری رکھے گا تاکہ ٹیکسوں میں اضافے کو روکا جا سکے۔ انہوں نے مزید کہا کہ بات چیت کا مقصد کینیڈین برآمدات پر تمام امریکی ٹیکس ختم کروانا ہے۔
واضح رہے کہ امریکا نے کینیڈا اور میکسیکو کی مصنوعات پر 25 فیصد ٹیرف کا نفاذ ایک مہینے کے لیے مؤخر کرنے کا اعلان کیا تھا، جس پر امریکی صدر ڈونلڈ ٹرمپ نے 2 اپریل تک ٹیرف کے نفاذ کو مؤخر کرنے کے ایگزیکٹو آرڈر پر دستخط کیے ہیں۔
