کراچی :پاک بحریہ کے جہاز پی این ایس اصلت نے بحر ہند میں جاپان اور سپین کے بحری جہازوں کے ساتھ مشقیں کی ہیں۔
آئی ایس پی آر کے مطابق پاک بحریہ کے جنگی جہاز پی این ایس اصلت نے ریجنل میری ٹائم سکیورٹی پٹرول کے دوران جاپان میری ٹائم ڈیفنس فورس کے جہاز سازانامی کے ساتھ بحری مشق کی۔
آئی ایس پی آر کا کہنا ہے کہ جہاز پی این ایس اصلت نے سپین کے بحری جہاز ایس پی ایس کینارس کے ساتھ بھی بحری جنگی مشق کی، ان مشقوں کا مقصد خطے میں موجود بحری افواج کے درمیان باہمی تعلقات کو مزید مضبوط بنانا اور باہمی تعاون کو بڑھانا ہے۔
ترجمان پاک فوج کے مطابق پاک بحریہ سمندر میں امن و امان برقرار رکھنے کے لیے مشترکہ کوششوں پر یقین رکھتی ہے۔