اسلام آباد:قیمتی موبائل فون کی کھیپ پکڑی گئی۔ موبائل فون کو لانے والوں کو گرفتارکرلیاگیا۔ کسٹمز حکام نے اسلام آباد ایئرپورٹ پر کارروائی کرتے ہوئے 6 کروڑ مالیت کے قیمتی موبائل فونز برآمد کرکے دو ملزمان کو گرفتار کرلیاہے۔
کسٹمزحکام نے اسلام آباد ایئرپورٹ پر کارروائی کرتے ہوئے قیمتی موبائل فونز کی بڑی کھیپ پکڑ لی اور دبئی سے موبائل فونز لانے والے دو افراد کو گرفتار کرلیاگیا ہے۔
کسٹمز حکام کے مطابق پی آئی اے کی دبئی سےپشاور آنے والی فلائٹ216 خراب موسم کی وجہ سے اسلام آباد میں اترگئی۔پرواز سے آنے والے دو مشکوک مسافروں کے سامان کی تلاشی لی گئی تو کوہاٹ کےمسافر سے 139 اور دوسرے مسافر سے 111 قیمتی موبائل فون برآمد ہوئے جن کی مالیت 6 کروڑ روپے ہے۔