کیلیفورنیا: سوشل میڈیا پلیٹ فارم فیس بک کی پیرنٹ کمپنی میٹا نے 'تھریڈز' کے نام سے اپنا نیا پلیٹ فارم لانچ کر دیا ہے۔ٹویٹر نے میٹا کے خلاف نئی ٹیکسٹ پر مبنی ایپ تھریڈز کے آغاز کے 24 گھنٹے بعد قانونی کارروائی کی دھمکی دی ہے۔
نئی ایپ کی رونمائی کے چند گھنٹے بعد ہی ٹویٹر اور تھریڈز ایپ کےدرمیان قانونی جنگ کا خدشہ پیدا ہوگیا۔ ٹویٹر کے مالک ایلون مسک کے وکیل کی جانب سے میٹا کے سی ای او مارک زکربرگ کے نام تھریڈز ایپ کے معاملے پر میٹا کو مقدمہ درج کرانے کی دھمکی دے دی ہے۔
ایلون مسک کے وکیل الیکس سپیرو نے مارک زکربرگ کو ان کے ٹویٹر 'کاپی کیٹ' پر عدالت میں لے جانے کی دھمکی دینے والا خط بھیج دیا ہے۔
غیر ملکی خبرایجنسی کے مطابق ٹوئٹر کے مالک ایلون مسک کے وکیل کاکہناہے کہ میٹا نے ٹویٹرکے تجارتی رازوں کو غیر قانونی طور پر غلط طریقے سے استعمال کیا۔ میٹا ٹویٹر کے تجارتی راز یا دیگر انتہائی خفیہ معلومات کا استعمال روکنے کے لیے فوری اقدامات کرے۔
مارک زکربرگ کو لکھے گئے خط میں کہا گیا کہ میٹا انٹلیکچوئل پراپرٹی رائٹس کے غیرقانونی استعمال میں ملوث ہے۔
3) " cease-and-desist letter sent yesterday to Mark Zuckerberg (Meta / Threads / Instagram / Facebook) by Elon Musk's (Twitter, X Corp.) lawyer Alex Spiro "
— Oscar A. Lizarazo-C ???? ⚖️????. ????,????#hEDS, ADH D? (@OscarALizarazo) July 6, 2023
Source: https://t.co/P5fzE7fvCL
IPR, Intellectual Property
Secrets, Unfair competition
Sue, plaint pic.twitter.com/M9OUemsV1K
ٹوئٹر کے وکیل الیکس سپیرو نے مؤقف اختیار کیا کہ ٹویٹر اپنے انٹلیکچوئل پراپرٹی رائٹس کو سختی سے نافذ کرنے کا ارادہ رکھتا ہے اور میٹا ٹویٹر کے تجارتی راز یا دیگر انتہائی خفیہ معلومات کا استعمال روکنے کے لیے فوری اقدامات کرے۔
خیال رہے تھریڈز نامی ایپ نے لانچ ہوتے ہی ایک گھنٹے میں ایک کروڑ صارف بھی حاصل کرلیے۔یہ نئی ایپ ٹویٹر کی طرز پر ہی ڈیزائن کی گئی ہے اور اس کی براہ راست حریف بھی مانی جا رہی ہے۔
