ممبئی :بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار کو سرکاری اعزاز کے ساتھ سپردِ خاک کردیا گیا۔
View this post on Instagram
دلیپ کمار کو مکمل سرکاری اعزاز کے ساتھ ممبئی کے قبرستان میں سپردِ خاک کیا گیا جس کی ویڈیو ان کے ترجمان فیصل فاروقی نے مائیکرو بلاگنگ ویب سائٹ ٹوئٹر پر شیئر کی۔ ویڈیو میں دیکھا جاسکتا ہے کہ فورسز اہلکار انھیں خراجِ تحسین پیش کرتے ہوئے بھارتی پرچم میں لپیٹ رہے ہیں۔
State funeral protocols - #DilipKumar saab being draped with the beautiful tricolor. pic.twitter.com/fmYMdJLOBD
— faisal farooqui (@FAISALmouthshut) July 7, 2021
پاکستان کی سیاسی قیادت نے لیجنڈاداکاردلیپ کمار کے انتقال پر اظہار افسوس کرتے ہوئے کہا کہ دلیپ کمار نے کئی دہائیوں تک فلم انڈسٹری پر راج کیا اور لیجنڈ کی صورت میں ہی دنیا سے رخصت ہوئے۔
دوسری طرف پشاور میں لیجنڈری اداکار دلیپ کمار کی غائبانہ نماز جنازہ آبائی گھر میں ادا کر دی گئی ،نماز جنازہ میں بڑی تعداد میں مداحوں اور شہریوں نے شرکت کی ،نماز جناز ہ قصہ خوانی کے علاقے محلہ خداد میں ادا کی گئی،دلیپ کمار کی یاد میں ان کے آبائی گھر کے سامنے شمع بھی روشن کیے گئے ۔
خیال رہے کہ آج صبح دلیپ کمار 98 برس کی عمر میں انتقال کرگئے تھے، ان کے سوشل میڈیا اکاؤنٹ سے ہی ان کی موت کی خبر سامنے آئی تھی۔
