کراچی :وزیراعظم شہباز شریف 8 جنوری بروز بدھ کراچی کا اہم دورہ کریں گے۔ وزیراعظم اپنے دورے کے دوران پاکستان سٹاک ایکسچینج کا دورہ کریں گے، جہاں وزیر خزانہ محمد اورنگزیب، فیڈرل بورڈ آف ریونیو (ایف بی آر) کے چیئرمین اور دیگر اہم وزرا بھی ان کے ہمراہ ہوں گے۔
وزیراعظم شہباز شریف دورے کے دوران فیڈریشن چیمبر اور کراچی چیمبر سمیت بزنس کمیونٹی کی اہم شخصیات سے ملاقاتیں کریں گے۔
شہر قائد کے دورے میں وہ ساؤتھ ایشیا پورٹ ٹرمینل پر فیس لیس سسٹم کا بھی معائنہ کریں گے۔
