ڈھاکہ :پاکستان کرکٹ ٹیم کے سابق کپتان شاہد آفریدی نے بنگلہ دیش پریمیئر لیگ میں دھواں دار بیٹنگ کرکے ثابت کردیا ہے کہ وہ ابھی بھی کتنے فٹ ہیں اور کرکٹ سے بھرپور انداز میں لطف اندوز ہورہے ہیں۔
تفصیلات کے مطابق بنگلہ دیش پریمیئر لیگ کا آغاز ہوگیا ہے اور سابق ٹی 20 کپتان شاہد آفریدی نے اپنی جارحانہ بلے بازی کی بدولت کومیلا وکٹورینز کو سلہٹ سکسرز پر فتح دلادی۔بی پی ایل میں گزشتہ روز کھیلے گئے تیسرے میچ میں کومیلا وکٹوینز نے سلہٹ سکسرز کیخلاف ٹاس جیت کر پہلے فیلڈنگ کرنے کافیصلہ کیا۔
Snaps of @ComillaV
— BPLT20 (@Official_BPLT20) January 6, 2019
vs @SylhetSixersBpl, Match 3.
https://t.co/DCYmn25L7C
سلہٹ سکسرز نے مقررہ 20 اوورز میں 8 وکٹ کے نقصان پر 127 رنز بنائے ،نکولس پوران نے 41 رنز کی اننگز کھیلی جبکہ کومیلا کی جانب سے محمد شاہد،مہدی حسن اور سیف الدین نے 2,2 اور شاہد خان آفریدی نے 1 وکٹ حاصل کی۔
128 رنز ہدف کے تعاقب میں کومیلا وکٹورینز کی ٹیم 15 اوورز کے اختتام پر 83 رنز پر 5 وکٹیں گنوا چکی تھی اور اس کا میچ جیتنا دشوار نظر آرہا تھا.
تاہم بوم بوم آفریدی نے بہترین بلے بازی کا مظاہرہ کرتے ہوئے 5 چوکوں اور 2 چھکوں کی مدد سے صرف 25 گیندوں پر 39 رنز کی اننگز کھیل کر اپنی ٹیم کی جیت میں اہم کردار ادا کیا۔
