راولپنڈی:چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ہنگری کے نائب وزیر دفاع سے ملاقات کی، جس میں دفاعی شعبے میں تعاون بڑھانے پر بات چیت کی گئی۔
مسلح افواج کے شعبہ تعلقات عامہ آئی ایس پی آر کے مطابق، ملاقات میں دونوں ملکوں کے درمیان سیکیورٹی کے شعبے میں اشتراک کے نئے مواقع کی تلاش پر زور دیا گیا۔ ساتھ ہی علاقے کی موجودہ صورتحال پر بھی تبادلہ خیال کیا گیا۔
ہنگری کے نائب وزیر دفاع نے دہشت گردی کے خلاف پاکستان کی مسلح افواج کی قربانیوں کو سراہتے ہوئے ان کی پیشہ ورانہ مہارت کی بھی تعریف کی۔
