اسلام آباد : ترک صدر رجب طیب اردوان 12 فروری کو پاکستان کا دورہ کریں گے، جہاں وہ 13 فروری کو وزیر اعظم شہباز شریف کے ہمراہ پاکستان ترکیہ ہائی لیول اسٹریٹجک کوآپریشن کونسل کے ساتویں اجلاس میں شریک ہوں گے۔
دورہ کے دوران دونوں ممالک کے درمیان زرعی شعبے سمیت اقتصادی تعاون کو مزید مستحکم کرنے کے لیے مفاہمت کی متعدد یادداشتوں پر دستخط کئے جانے کا امکان ہے۔ پاکستان اور ترکیہ کی قومی غذائی تحفظ اور زراعت کی وزارتوں کے سینئر حکام نے زراعت اور لائیو اسٹاک کے شعبوں میں مستقبل کے تعاون کے لیے ایک ایکشن پلان تیار کرنے کے لیے ملاقات کی۔
پاکستان نے ترکیہ کو ملک میں موجود 22 کروڑ جانوروں کا ذکر کرتے ہوئے مویشیوں کی ویکسینیشن میں سرمایہ کاری کی دعوت دی ہے، جبکہ ترکیہ نے زرعی پیداوار بڑھانے کے لیے اپنے مکمل تعاون کی یقین دہانی کرائی ہے۔