اسلام آباد: حکومت پاکستان نے اسماعیلی برادری کے روحانی پیشوا، پرنس کریم آغا خان کے انتقال پر 8 فروری کو یوم سوگ کا اعلان کیا ہے۔ نوٹیفکیشن کے مطابق 8 فروری کو ملک بھر میں قومی پرچم سرنگوں ہوگا۔
پرنس کریم آغا خان 4 فروری کو پرتگال میں انتقال کر گئے تھے، اور ان کی نماز جنازہ ہفتے کے روز پرتگال میں ادا کی جائے گی، جبکہ ان کی تدفین اتوار کو مصر کے شہر اسوان میں ہوگی۔ پرنس کریم آغا خان اسماعیلی برادری کے 49ویں امام تھے۔ وہ 11 جولائی 1957 کو اسماعیلی برادری کے امام بنے، جب ان کی عمر صرف 20 برس تھی۔
ْ
پرنس کریم آغا خان کے انتقال کے بعد ان کے بیٹے، پرنس رحیم آغا خان کو اسماعیلی برادری کا 50 واں امام نامزد کیا گیا ہے۔ یہ فیصلہ پرنس کریم آغا خان کی وصیت کے مطابق کیا گیا تھا۔
