راولپنڈی: بانی پی ٹی آئی عمران خان نے عام انتخابات کے حوالے سے اڈیالہ جیل سے پیغام میں کہا کہ پاکستان اور میں آپ سے صرف 24 گھنٹے وقف کرنے کا مطالبہ کرتا ہوں، زیادہ سے زیادہ لوگوں کو ووٹ ڈالنے کی ترغیب دیں۔
سماجی رابطے کی ویب سائٹ ایکس پر عمران خان کے آفیشل اکاؤنٹ سے کی گئی پوسٹ میں کہا گیا کہ عمران خان نے جیل سے پیغام میں کہا ہے کہ میرے پاکستانیو، مجھے آپ کی حقیقی آزادی کے لیے لڑنے پر 24 سال قید کی سزا ہوئی ہے۔
ان کا کہنا تھا کہ پاکستان اور میں آپ سے صرف 24 گھنٹے وقف کرنے کا مطالبہ کرتا ہوں۔
عمران خان نے مزید کہا کہ انتخابات میں زیادہ سے زیادہ لوگوں کو ووٹ ڈالنے کی ترغیب دیں، پولنگ ایجنٹ کے فارم 45 ملنے تک پولنگ اسٹیشن پر انتظار کریں۔
سابق وزیر اعظم عمران خان نے حتمی نتائج کے اعلان تک ریٹرننگ آفیسر کے دفتر کے باہر پر امن رہنے کی اپیل بھی کی۔
Imran Khan's Message from Jail:
— Imran Khan (@ImranKhanPTI) February 6, 2024
“My Pakistanis, I have been sentenced to 24 years imprisonment for fighting for your Haqeeqi Azadi.
Pakistan and I call for you to dedicate only 24 hours!
Encourage the maximum number of people to vote, wait at the polling station until the… pic.twitter.com/OVMW5kiMq8
ایکس پر ایک اور پوسٹ میں بانی چئیرمین عمران خان نے عام انتخابات کے حوالے سے گرفتاری سے قبل ریکارڈ شدہ پیغام میں کہا کہ کل انتخابات ہیں، میں چاہتا ہوں کہ عوام نکلے انتخابات کیلئے، جن جن کو جانتے ہیں ان سب کو نکالیں انتخابات میں حصہ لینے کیلئے۔
بانی چئیرمین عمران خان کا عام انتخابات کے حوالے سے گرفتاری سے قبل ریکارڈ شدہ پیغام pic.twitter.com/FgsZljn3NQ
— Imran Khan (@ImranKhanPTI) February 7, 2024
عمران خان کا کہنا تھا کہ انتخابات کے ذریعے عوام اپنے اور اپنے بچوں کا مستقبل بدلیں گے۔
