لاہور: پاکستان سپر لیگ سیون (پی ایس ایل 7) کیلئے لاہور قلندرز کی ٹیم نے اپنے اینتھم بول قلندرز کی نئی ویڈیو جاری کر دی ہے ۔
تفصیلات کے مطابق لاہور قلندرز کے اینتھم میں ٹیم کے ملکی اور غیر ملکی کھلاڑیوں کا ڈانس شامل ہے ۔ شائقین کرکٹ نے لاہور قلندرز کے کھلاڑیوں کی مخصوص انداز میں ڈانس کرنے کی ویڈیو کو خوب سراہا ہے ۔
واضح رہے کہ پاکستان سپر لیگ سیون کا دوسرا مرحلے کا آغاز 10 فروری سے لاہور میں ہوگا ۔ ٹیموں کی آمد آج سے شروع ہوجائے گی ۔
نیو نیوز کے مطابق اسلام آباد یونائیٹڈ ، پشاور زلمی اور ملتان سلطانز کی ٹیمیں کل لاہور پہنچ جائیں گی ۔ جبکہ کراچی کنگز ، کوئٹہ گلیڈی ایٹرز اور لاہور قلندرز کی ٹیمیں 8 فروری کو لاہور پہنچیں گی ۔
لاہور میں پی ایس ایل کے دوسرے مرحلے کا آغاز ملتان سلطانز اور پشاور زلمی کے درمیان میچ سے ہوگا ۔ لاہور میں 21 فروری کو آخری پول میچ ہوگا ۔ کوالیفائر 23 فروری کو کھیلا جائے گا ۔ پہلا ایلیمینیٹر 24 جبکہ دوسرا ایلیمینیٹر 28 فروری کو ہوگا ۔ پی ایس ایل 7 کا فائنل 27 فروری کو کھیلا جائے گا ۔
