دبئی:آئی سی سی نے ٹی 20 ورلڈ کپ کا لوگو تبدیل کردیا۔آئی سی سینے مینز ٹی20 ورلڈکپ کے آغاز سے قبل ہی لوگو تبدیل کردیا ۔ایکس ٹوئٹر پر آئی سی سی نے ٹی20 ورلڈکپ کی مناسبت سے ایک ویڈیو شیئر کی جس میں فاتح ٹیم انگلینڈ کے علاوہ پاکستان، بھارت، نیوزی لینڈ کو نمایاں دیکھایا گیا ہے۔
آئی سی سی مینز ٹی20 ورلڈکپ اگلے سال ویسٹ انڈیز میں شیڈول ہے اور نئے لوگو میں میزبان ملک کے کھجور کے درختوں اور کے ‘اسٹرائپس’ کو خراج عقیدت پیش کرنے والا ایک مخصوص پیٹرن شامل ہے۔
Created from the three things that define T20I cricket – Bat, Ball, and Energy! ????
— ICC (@ICC) December 7, 2023
A striking new look for the ICC T20 World Cup ⚡️#T20WorldCup pic.twitter.com/kflsHr81eN
واضح رہے کہ آئی سی سی ٹی20 ورلڈکپ اگلے برس 4 سے 30 جون تک ویسٹ انڈیز اور امریکا میں کھیلا جائے گا۔
قبل ازیں ویسٹ انڈیز کے رکن ملک ڈومینیکا نے ٹی20 ورلڈکپ 2024 کے میچز کی میزبانی سے دستبردار ہونے کا اعلان کیا تھا، حکومت نے موقف اپنایا تھا کہ میگا ایونٹ سے قبل مقررہ وقت پر انفرا اسٹرکچر تیار نہیں کرسکتے، اس وجہ سے میگا ایونٹ سے دستبردار ہورہے ہیں۔
خیال رہے کہ ویسٹ انڈیز اور امریکا میں شیڈول ایونٹ میں پہلی بار 20 ٹیمیں شامل ہوں گی جنہیں 5، 5 ٹیموں کے 4 گروپس میں تقسیم کیا جائے گا، ہر گروپ سے ٹاپ 2 ٹیمیں سپر 8 مرحلے کیلئے کوالیفائی کریں گی۔ ٹی20 ورلڈکپ 2024 میں کُل 55 میچز کھیلے جائیں گے۔
