جدہ : سعودی عرب میں دوسرے عرب ممالک کی طرح سائبر کرائم کی روک تھام کے لیے اہم اقدامات اٹھائے جارہے ہیں۔
تفصیلات کے مطابق سعودی عرب کے پبلک پراسیکیوشن ڈیپارٹمنٹ کی طرف سے سرکولر جاری کیا گیا ہے جس میں سوشل میڈیا پر بغیر اجازت ویڈیو اپلوڈ کرنیوالوں کے خلاف سخت کارروائی کا پیغام دیا گیا ہے۔
سعودی پبلک پراسیکیوشن کے ذرائع کا کہناہے کہ سعودی سماجی آداب کے منافی ویڈیو کلپس تیار کرنے ، بھیجنے یا کسی بھی ایسے پیغام کو سوشل میڈیا پرشئیر کرنیوالوں کو کم سے کم ۵ برس قید اور 30لاکھ ریال جرمانے کی سزا کا سامنا کرنا پڑ سکتاہے ۔
#النيابة_العامة#إنتاج أو #إرسال أو إعادة إرسال #مقاطع_مرئية أو رسائل تنطوي على مساس #الآداب_العامة ، عبر وسائل #التواصل_الإجتماعي :-
— النيابة العامة (@bip_ksa) December 3, 2018
- تعد من #الجرائم_الكبيرة الموجبة #للتوقيف ويعاقب مرتكبها #بالسجن مدة تصل خمس سنوات وغرامة ثلاثة ملايين ريال. pic.twitter.com/vQ6dUs0wXP
پبلک پراسیکیوشن نے اس ضمن میں اپنے سوشل میڈیا اکاﺅنٹ پر ملکی اور غیر ملکی شہریوں کو ایسے کسی بھی غیر قانونی اقدام کے حوالے سے چوکس رہنے کی ہدایات جاری کی ہیں۔سعودی عرب کے معروف وکیل کے مطابق عرب ممالک میں سوشل میڈیا پر ایسے مواد کے حوالے سے بڑی سخت پالیسی ہے اور سعودی عرب بھی اسی پالیسی کو اپنائے ہوئے ہے۔
سوشل میڈیا پر کسی کی بھی قسم کی ویڈیو ز ،تصاویر سمیت انتہائی ذاتی نوعیت کی معلومات شیئر کرنے والے کو جیل اور جرمانے کا سامنا کرنا پڑ سکتاہے۔
