اسلام آباد: پاکستان منرلز انویسٹمنٹ فورم 2025، جو 8 اور 9 اپریل کو منعقد ہوگا، میں وزیر اعظم محمد شہباز شریف اور آرمی چیف جنرل سید عاصم منیر شرکت کریں گے۔ دونوں رہنماؤں کے فورم سے خطاب کرنے کی بھی توقع ہے۔
فورم میں ملکی و غیر ملکی اہم شخصیات کی شرکت متوقع ہے، جن میں وفاقی وزراء، سیکریٹریز، ایگزیکٹوز اور میڈیا کی نمایاں شخصیات شامل ہیں۔ فورم میں عالمی ماہرین بھی شریک ہوں گے، جو معدنی شعبے میں جدید ٹیکنالوجی کے موثر استعمال پر تبادلہ خیال کریں گے۔
ریکوڈک سمیت اہم معدنی منصوبوں پر سیشنز فورم کا حصہ ہوں گے، جن میں سرمایہ کاری، سکیورٹی اور حکومتی پالیسیوں پر بات کی جائے گی۔ حکومت پاکستان معدنیات کے شعبے کو پائیدار ترقی کے لیے بروئے کار لانے پر زور دے رہی ہے، اور اس فورم کے انعقاد سے ملک میں اس شعبے میں سرمایہ کاری کے امکانات مزید بڑھیں گے۔
