واشنگٹن: امریکہ میں پاکستانی سفارتخانے نے ان رپورٹس کو مسترد کر دیا ہے جس میں دعویٰ کیا گیا تھا کہ پاکستانی امریکیوں کو ان کے وطن جانے کے لیے ویزا دینے سے انکار کیا جا رہا ہے۔
پاکستان کے امریکی سفارت خانے نےسماجی رابطے کی ویب سائٹ ایکس پر ایک پوسٹ میں کہا کہ سفارتخانہ پاکستانی نژاد امریکیوں کے لیے ویزا مسترد ہونے کی افواہوں کو مسترد کرتا ہے۔ان افواہوں میں کوئی صداقت نہیں ہے، یہ ایک غلط اور بے بنیاد معلومات ہے۔ ان کا کہنا تھا کہ سفارتخانہ پاکستانی نژاد امریکیوں اور بیرون ملک مقیم پاکستانیوں کو بغیر کسی رکاوٹ کے ویزا امداد کی پیشکش کرتا رہتا ہے۔
Important ????:
— Pakistan Embassy US (@PakinUSA) September 6, 2023
“The Embassy dispels any rumors about visa rejections for Pakistani-Americans.
The Embassy continues to offer seamless visa assistance to Pakistani-Americans and Overseas Pakistanis. “ ???????????????? pic.twitter.com/cR8hv2NBRG
واشنگٹن میں نائب ترجمان امریکی محکمہ خارجہ ویدانت پٹیل سے پریس بریفنگ کے دوران پاکستانی نژاد امریکیوں کے وطن جانے کے لیے ویزے مسترد کیے جانے کے حوالے سے سوال اٹھایا گیا تھا۔ جس پر انہوں نے کہا کہ پاکستانی نژاد امریکیوں کو ویزہ نہ دینے یا درخواست مسترد کرنے میں کوئی صداقت نہیں، یہ بات سراسر غلط اور بے بنیاد ہے۔
انہوں نے کہا کہ پاکستانی نژاد امریکیوں و دیگر اوورسیزپاکستانیوں کے اپنے مادر وطن دورے کا خیر مقدم کرتے ہیں، پاکستانی سفارتخانہ درخواست گزاروں کو ویزوں سمیت ہر ممکن قونصلر مدد فراہم کرتا رہتا ہے۔
