اسلام آباد: وفاقی وزیر اطلاعات و نشریات مریم اورنگزیب نے کہا ہے کہ آسمان پر تھوک کر اپنا منہ گندا کرنے والے اب اپنے ناکام اور فوج دشمن ایجنڈے سے یوم دفاع کے تقدس کو پامال کر رہے ہیں۔
تفصیلات کے مطابق مریم اورنگزیب نے سماجی رابطوں کی ویب سائٹ ٹوئٹر پر جاری پیغام میں پی ٹی آئی رہنماءفواد چوہدری کے بیان پر ردعمل دیتے ہوئے لکھا ’آسمان پہ تھوک کر اپنا منہ گندا کرنے والے اب اپنے ناکام اور فوج دشمن ایجنڈے کو یوم دفاع کے تقدس کو پامال کر رہے ہیں۔ جوان اپنی قیادت پر فخر کرتے ہیں۔ ہنستے وہ اس پر ہیں جس نے خود اپنی تذلیل کا بندوبست کیا ہوا ہے اور اپنے مفاد کو ملکی مفاد پر ترجیح دیتا ہے۔‘
آسمان پہ تھوک کر اپنا منہ گندا کرنے والے اب اپنے ناکام اور فوج دشمن ایجنڈے کو یومِ دفاع کے تقدس کو پامال کر رہے ہیں .جوان اپنی قیادت پر فخر کرتے ہیں۔ہنستے وہ اُس پر ہیں جس نے خود اپنی تذلیل کا بندوبست کیا ہواہے اور اپنے مفاد کو ملکی مفاد پر ترجیح دیتا ہے #ImranVsPakistan https://t.co/mtvI5wdWzk
— Marriyum Aurangzeb (@Marriyum_A) September 6, 2022
واضح رہے کہ سابق وفاقی وزیر فواد چوہدری نے سوشل میڈیا پر جاری کردہ اپنے بیان میں کہا تھا کہ 6 ستمبر کی پریڈ منسوخ کر کے اچھا فیصلہ کیا، ورنہ جوانوں کو ہنسنے سے روکنا اور نہ رکنے پر کوہسار بھیجنا ذرا مشکل کام تھا۔
چھ ستمبر کی پریڈ منسوخ کر کے اچھا فیصلہ فیصلہ کیا ورنہ جوانوں کو ہنسنے سے روکنا اور نہ رکنے پر کوھساربھیجنا ذرا مشکل کام تھا
— Ch Fawad Hussain (@fawadchaudhry) September 6, 2022
ایک اور ٹویٹ میں انہوں نے پاک فوج کو خراج تحسین بھی پیش کیا اور لکھا ’وطن کے سجیلے جوانوں۔۔۔ تمہیں وطن کی ہوائیں سلام کہتی ہیں۔‘
وطن کے سجیلے جوانوں۔۔۔تمہیں وطن کی ہوائیں سلام کہتی ہیں #MartyrsOurProud https://t.co/H8p3GY4Q2c
— Ch Fawad Hussain (@fawadchaudhry) September 6, 2022
واضح رہے کہ ملک بھر میں آج یوم دفاع قومی اور ملی جوش وجذبے کے ساتھ منایا جا رہا ہے اور علی الصبح وفاقی دارالحکومت اسلام آباد میں 31 اور صوبائی دارالحکومتوں میں 21، 21 توپوں کی سلامی دی گئی۔
مساجد میں فوج کے شہدا کیلئے قرآن خوانی اور ملکی استحکام کیلئے دعائیں مانگی گئیں جبکہ دیگر مذاہب کے ماننے والوں کی عبادت گاہوں میں بھی دعائیہ تقریبات منعقد ہوئیں جبکہ مزار قائد پر گارڈز کی تبدیلی کی تقریب بھی ہو گی۔
پاک فوج کے تعلقات عامہ کے شعبہ (آئی ایس پی آر) کے مطابق سیلاب متاثرین کے ساتھ اظہار یکجہتی کیلئے جی ایچ کیو میں منعقد کی جانے والی 6 ستمبر کی تقریب منسوخ کر دی گئی ہے۔
