راولپنڈی: آرمی چیف جنرل قمر جاوید باجوہ اور ان کی اہلیہ شہید پولیس سب انسپکٹر عباس کے گھر پہنچ گئے۔ پاک فوج کے شعبہ تعلقاتِ عامہ (آئی ایس پی آر) کے سربراہ میجر جنرل آصف غفور نے سماجی رابطے کی ویب سائٹ ٹوئٹر پر بتایا ہے کہ آرمی چیف 6 ستمبر یوم دفاع کے موقع پر اپنی اہلیہ کے ہمراہ شہید سب انسپکٹر عباس کے گھر پہنچے جہاں انہوں نے شہید کی عظیم قربانی پر انہیں خراج عقیدت پیش کیا۔
COAS and Mrs COAS visited family of Shaheed Police Sub Inspector Abbas at his home. Lauded their great sacrifice for the nation and that of all Martyrs of Pakistan. “There isn’t any other sacrifice greater than one’s life. Our lives are dedicated to Pakistan”, COAS.@RwpPolice pic.twitter.com/7XQy0PcIX8
— Maj Gen Asif Ghafoor (@OfficialDGISPR) September 6, 2018
ڈی جی آئی ایس پی آر کا مزید کہنا ہے کہ اس موقع پر آرمی چیف نے شہید کے اہل خانہ سے گفتگو کرتے ہوئے کہا کہ ملک و قوم کے لیے اپنی جان قربان کرنے سے زیادہ کوئی عظیم قربانی نہیں ہے۔
جنرل قمر جاوید باجوہ نے یہ بھی کہا کہ ہماری جانیں پاکستان کے لیے وقف ہیں۔
