حادثے میں زخمی افغان کرکٹ ٹیم کے کھلاڑی نجیب تراکئی انتقال کرگئے

کھیل 
 
حادثے میں زخمی افغان کرکٹ ٹیم کے کھلاڑی نجیب تراکئی انتقال کرگئے

کابل: افغان قومی  کرکٹ ٹیم کے کھلاڑی نجیب تراکئی کا کچھ دن قبل ایکسیڈنٹ ہوا تھا۔ مرحوم کے سر پر شدید چوٹیں آئی تھیں اور وہ کوما میں تھے۔ تاہم وہ آج زخموں کی تاب نہ لاتے ہوئے خالق حقیقی سے جا ملے۔ ان کی عمر محض 29 برس تھی۔ مداحوں کی جانب سے افغانستان کرکٹ بورڈ سے مطالبہ کیا گیا تھا کہ نجیب ترکئی کو علاج کے لیے کابل یا بیرون ملک منتقل کیا جائے۔

نجیب تراکئی نے اپنے کیریئر کا آغاز 2014 میں زمبابوے کیخلاف کیا تھا۔ انہوں نے افغانستان کی جانب سے ایک ٹی ٹونٹی اور بارہ ایک روزہ بین الاقوامی میچوں میں نمائندگی کی تھی۔ ٹی ٹونٹی میں ان کا بہترین سکور نورے رنز رہا جو انہوں نے 2017 میں آئرلینڈ کیخلاف بنایا تھا۔ مرحوم نے اپنے کیرئیر میں چھ سنچریاں بنائیں اور ان کی اوسط 47.20 رہی۔

آئی سی سی پلیئرز رینکنگ: بابر اعظم کی پہلی پوزیشن برقرار، صائم ایوب کی شاندار ترقی

افغان کرکٹ بورڈ کے سابق میڈیا منیجر محمد ابراہیم مہمند نے سماجی رابطے کی ویب سائٹ ٹویٹر پر جاری ایک بیان میں بتایا تھا کہ نجیب تراکئی کے سر پر شدید چوٹیں آئی ہیں اور وہ کوما میں ہیں۔ ان کو حادثہ افغانستان کے شہر جلال آباد میں پیش آیا تھا۔ نجیب تراکئی سڑک عبور کرتے ہوئے گاڑی کی زد میں آگئے تھے۔ افغانستان کرکٹ بورڈ نے خبر کی تصدیق کی اور کھلاڑی کی موت پر غم کا اظہار کیا ہے۔

یشمیٰ گل کا شادی کی خواہش کا اظہار، سوشل میڈیا پر ہلچل