اسلام آباد:سپریم کورٹ کا رجسٹرار تبدیل کر دیا گیا ہے، اور نئے رجسٹرار سلیم خان کی تعیناتی کا نوٹیفکیشن جاری کر دیا گیا ہے۔ سلیم خان پاکستان ایڈمنسٹریٹو سروس کے سابق افسر ہیں اور ان کی تقرری 7 نومبر سے عمل میں آئی ہے۔
انہیں تین سال کے لیے رجسٹرار کے طور پر ذمہ داریاں سونپی گئی ہیں۔
یاد رہے کہ سابق چیف جسٹس قاضی فائز عیسیٰ نے جزیلہ اسلم کو ڈیپوٹیشن پر رجسٹرار سپریم کورٹ تعینات کیا تھا۔ جزیلہ اسلم اس سے قبل ڈسٹرکٹ اینڈ سیشن جج اوکاڑہ کے طور پر خدمات انجام دے رہی تھیں۔