واشنگٹن : پاکستانی فلم انڈسٹری کی معروف اداکارہ ریما نے امریکی صدارتی انتخابات 2024 میں ووٹ کاسٹ کر کے اپنا حق رائے دہی استعمال کیا ہے۔
اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر ایک تصویر شیئر کی، جس میں وہ اپنے شوہر ڈاکٹر طارق کے ہمراہ ووٹ ڈالتے ہوئے دکھائی دے رہی ہیں۔
ریما نے اپنے کیپشن میں بتایا کہ انہوں نے امریکی انتخابات میں حصہ لیا اور اپنے شوہر کے ساتھ ووٹ ڈالنے کا یہ تجربہ شیئر کیا۔ ساتھ ہی انہوں نے "یو ایس الیکشن" اور "ووٹ 2024" کے ہیش ٹیگ بھی استعمال کیے۔ البتہ انہوں نے اس بات کا ذکر نہیں کیا کہ انہوں نے کس امیدوار کو اپنا ووٹ دیا۔