اسلام آباد: پاکستان کی بحریہ کے سابق سربراہ اور سابق چیئرمین جوائنٹ چیفس آف سٹاف کمیٹی ایڈمرل (ر) افتخار احمد سروہی کا انتقال ہوگیا۔ پاک بحریہ کے ترجمان کے مطابق، ایڈمرل (ر) افتخار سروہی کا انتقال اسلام آباد میں ہوا۔
ایڈمرل افتخار سروہی نے 1986 سے 1988 تک پاک بحریہ کے سربراہ کے طور پر خدمات انجام دیں اور 1988 سے 1991 تک چیئرمین جوائنٹ چیفس آف سٹاف کمیٹی کے عہدے پر فائز رہے۔ انہوں نے 1955 میں پاک بحریہ میں شمولیت اختیار کی اور 1965 اور 1971 کی جنگوں میں اہم کردار ادا کیا۔
پاک بحریہ کے چیف آف نیول سٹاف ایڈمرل نوید اشرف نے ایڈمرل (ر) افتخار سروہی کے انتقال پر گہرے دکھ کا اظہار کرتے ہوئے ان کی خدمات کو خراجِ عقیدت پیش کیا۔
