بلڈ گروپ کا مردوں میں جنسی کمزوری سے گہرا تعلق، تحقیق میں انکشاف

انقرہ: مردوں میں جنسی کمزوریسے متعلق سائنسدانوں کی نئی تحقیق میں ایسی وجہ سامنے آگئی جس سن کر آپ دنگ رہ جائیں گے ۔ بین الاقوامی ویب سائٹ ”میل آن لائن“ کی رپورٹ کے مطابق ترکی کے سائنسدانوں نے بتایا ہے کہ ”مردوں میں جنسی کمزوری کا ان کے بلڈگروپ سے بھی گہرا تعلق ہوتا ہے۔ جن مردوں کا گروپ ’اے‘، ’بی‘ یا ’اے بی‘ ہے ان میں جنسی کمزوری ’او‘ گروپ والے مردوں کی نسبت حیران کن طور پر 4گنا زیادہ ہوتی ہے۔“
رپورٹ کے مطابق دنیا میں آدھے سے زیادہ مردوں کے بلڈگروپ اے، بی یا اے بی ہوتے ہیں جبکہ 44فیصد کا ’او‘ ہوتا ہے۔ شاید یہی وجہ ہے کہ مردوں کی اکثریت جنسی کمزوری کا شکارہوتی ہے۔ اوردو یونیورسٹی کے سائنسدانوں نے اپنی اس تحقیق میں 350مردوں پر تجربات کیے ہیں جن کی عمریں 50سے 60سال کے درمیان تھیں۔
انہوں نے شرکاءکو دو گروپوں میں تقسیم کیا، ایک وہ جنہیں کمزوری کا مسئلہ تھا جبکہ دوسرے گروپ میں صحت مندلوگوں کو رکھا گیا۔ پھر ان کے خون کے نمونے لے کر ان کا گروپ چیک کیا گیا۔نتائج میں معلوم ہوا کہ جو مرد کمزوری کے مسائل کا شکار تھے ان میں واضح اکثریت کا گروپ اے، بی یا اے بی تھا جبکہ او گروپ والوں میں صرف 16فیصد اس مسئلے کا شکار تھے۔