ڈیلس:آئی سی سی مینز ٹی20 ورلڈ کپ کے گیارہویں میچ میں امریکہ نے سپراوور میں پاکستان کو 6 رنز سے شکست دے دی۔ڈیلس میں ہونیوالے ٹی 20 ورلڈ کپ کے گیارہویں میچ میں پاکستان نے پہلے کھیلتے ہوئے مقررہ 20 اوورز میں 7 وکٹوں کے نقصان پر 159رنز بنائے۔
160 رنز کے ہدف کے تعاقب میں امریکہ نے ذمہ دارانہ کھیل کا مظاہرہ کرتے ہوئے مقررہ 20 اوورز میں 3 وکٹوں کے نقصان پر 159 رنز بنائے جس کے باعث دونوں ٹیموں کے درمیان میچ برابر ہوگیا۔امریکہ کی جانب سے بیٹنگ کرنے کیلئے آرون جونز اور ہرمیت سنگھ میدان میں اترے، پاکستان کی طرف سے محمد عامر نے بولنگ کروائی۔
امریکی آل راؤنڈر آرون جونز نے پہلی گیند پر چوکا لگایا اور دوسری گیند پر ڈبل رن سکور کیا، تیسری اور چوتھی گیند پر ایک ایک سکور ہوا، پانچویں گیند پر 2 جبکہ چھٹی گیند پر آرون جونز ڈبل رنز بناتے ہوئے رن آؤٹ ہو گئے، سپر اوورز میں 2 وائیڈ گیندوں پر 2،2 سکور جبکہ تیسری وائیڈ بال پر 3 رن کے باعث پاکستان کو جیت کیلئے 19 رنز کا ہدف ملا۔
پاکستان کی جانب سے بیٹنگ کیلئے فخر زمان اور افتخار احمد آئے جبکہ امریکا کی طرف سے سوربھ نیتراولکر نے بولنگ کروائی۔
آل راؤنڈر افتخار احمد نے پہلی بال فیس کی جبکہ دوسری گیند پر چوکا لگایا، اس کے بعد ایک وائیڈ گیند ہوئی، افتخار احمد کے تیسری گیند پر کیچ آؤٹ ہونے پر شاداب خان بیٹنگ کیلئے آئے، ایک اور وائیڈ گیند کے بعد چوتھی گیند پر چوکا ہوا، پانچویں گیند پر 2 رن ملے جبکہ آخری گیند پر ایک سکور ہوا یوں قومی ٹیم ہدف کے جواب میں 13 رنز ہی بنا پائی اور 6 رنز سے شکست سامنا کرنا پڑ گیڈیلس میں گروپ اے کے کھیلے گئے میچ میں امریکہ کے کپتان مونانک پٹیل نے ٹاس جیت کر پاکستان کو پہلے بیٹنگ کی دعوت دی۔ پاکستان نے مقررہ 20 اوورز میں 7 وکٹوں کے نقصان پر 159 رنز بنائے،کپتان بابر اعظم 44 اور شاداب 40 رنز کے ساتھ نمایاں رہے۔
امریکہ کے خلاف پاکستان کو ابتدا میں مشکلات ہوئیں۔ قومی ٹیم کے 3 ٹاپ آرڈر بیٹرز پاورر پلے میں 26 رنز کے مجموعی سکور پر آؤٹ ہوئے۔ پاکستان کی طرف سے بیٹنگ کرتے ہوئے محمد رضوان 9، عثمان خان 3 اور فخر زمان 11 رنز بناکر پویلین لوٹے جبکہ شاداب نے شاندار بیٹنگ کی لیکن وہ بھی 40 رنز پر پویلین لوٹ گئے ، اعظم خان صفر پر آؤٹ ہوئے۔ بابر اعظم 43 گیندوں پر 44 رنز بناکر آؤٹ ہوئے جبکہ افتخار احمد 18 رنز بناسکے۔اختتامی اوورز مین شاہین نے اچھی بیٹنگ کی، وہ 16 گیندوں پر 23 رنز بناکر ناقابل شکست رہے۔
امریکہ کی جانب سے نوستھش کینجیے نے3، سوربھ نیٹروالکر نے 2 جبکہ علی خان اور جسدیپ سنگھ نے ایک، ایک وکٹ حاصل کی۔واضح رہے کہ امریکہ کے خلاف میچ میں پاکستان نے 4 فاسٹ باؤلرز کھلانے کا فیصلہ کیا ہے۔