کراچی: گورنر سندھ کامران خان ٹیسوری نے حیدرآباد میں بھی آئی ٹی کورسز کرانے کا اعلان کیا ہے۔ گورنر سندھ کامران ٹیسوری نے کہاکہ گورنر ہاؤس میں آئی ٹی کورسز کرنے والے نوجوان ماہانہ 150 سے 800 ڈالرز کما رہے ہیں آپ بھی فوراً رجسٹریشن کرائیں۔
گورنر اینی شیئیٹو کے تحت حیدرآباد میں بھی آئی ٹی کورسز کرانے کی تیاریاں شروع کردی گئی، گورنر سندھ نے حیدرآباد میں بھی آئی ٹی کورسز کے ٹیسٹ کی تاریخ کا اعلان کر دیا اور کہا ہے کہ 12، 13 اور 14 جولائی کو نیاز سٹیڈیم میں آئی ٹی کے لیے ٹیسٹ ہوں گے۔
گورنر سندھ نے کہا کہ نوجوان اپنی رجسٹریشن فورا کرالیں گورنر ہاؤس میں آئی ٹی کورسز کرنے والے نوجوان ماہانہ 150 سے 800 ڈالرز کما رہے ہیں، ماہانہ کمانے والے ان نوجوانوں نے محض 6 ماہ کی تعلیم حاصل کی ہے، کورس کی تکمیل کے بعد یہی نوجوان انشاء اللہ 15 سے 20 لاکھ روپے ماہانہ کمائیں گے۔
