سعودی عرب میں ذی الحج کا چاند آج دیکھا جائے گا جبکہ پاکستان میں مرکزی رویت ہلال کمیٹی کااجلاس جمعہ کو ہوگا ۔
سعودی عرب کی سپریم کورٹ نے مملکت بھر کے تمام مسلمانوں سے جمعرات کو عربی مہینے ذی الحج کا چاند دیکھنے میں شرکت کی اپیل کی ہے۔
اگر جمعہ 7 جون کو ذی الحج کا پہلا دن ہونے کی تصدیق ہو جاتی ہے تو سعودی عرب میں عید الاضحیٰ 16 جون بروز اتوار کو ہو گی۔ اس طرح حج 2024 جمعہ 14 جون اور بدھ 19 جون کے درمیان ہوگا۔
دوسری جانب پاکستان میں مرکزی رویت ہلال کمیٹی کے چیئرمین مولانا محمد عبدالخبیر آزاد اجلاس کی صدارت کل کریں گے۔محکمہ موسمیات کے مطابق ملک میں عید 17 جون بروز پیر کو ہونے کا امکان ہے۔
