کراچی:جرمنی کے شہر برلن میں منعقد ہونے والے 2023 کے اسپیشل اولمپکس ورلڈمقابلے کے لیےپاکستان کا مظبوط دستہ تیار ہو گیا۔ پاکستانی دستہ برلن ا سپیشل اولمپکس میں شرکت کےلیے 12 جون کو جرمنی روانہ ہو گا ۔
ذرائع کے مطابق پاکستان سے 117 کھلاڑیوں اور 30 کوچز پر مشتمل 138 افرادکا مضبوط دستہ اسپیشل اولمپکس ورلڈ ایونٹ کے لئے جرمنی بھیجا جائے گا جبکہ پاکستانی ایتھلیٹس 11 کھیلوں میں حصہ لیں گے۔
واضح رہے کہ برلن اسپیشل اولمپکس کے مقابلے اگلے ماہ جرمنی کے شہر برلن میں 17 جون سے 25 جون تک ہوں گے۔
برلن اسپیشل اولمپکس میں دنیا بھر سے ساڑھے 7 ہزار کھلاڑی 24 شعبوں میں حصہ لینے کیلیے خصوصی شرکت کریں گے۔
