ریاض: سعودی عرب نے بھارت میں حکمران جماعت بھارتیہ جنتا پارٹی (بی جے پی) کی خاتون رہنماءکی جانب سے نبی کریمﷺ کی شان میں گستاخانہ بیان کی شدید مذمت کی ہے۔
سعودی وزارت خارجہ کی جانب سے سماجی رابطوں کی ویب سائٹ ٹوئٹر پر جاری بیان میں کہا گیا ہے کہ بھارت کی حکمران انتہاپسند قوم پرست جماعت بھارتیہ جنتا پارٹی (بی جے پی) کی ترجمان کے حضرت محمد صلی اللہ علیہ وسلم کی توہین پرمبنی بیانات کی شدید مذمت کرتے ہیں۔ تمام مذہبی شخصیات اورشعائر سے متعصبانہ روئیے کو مسترد کرتا ہے اورتمام مذاہب کے احترام پرزوردیتا ہے۔
Ministry of Foreign Affairs:
— Haramain Sharifain (@hsharifain) June 5, 2022
“The Kingdom of Saudi Arabia expresses its condemnation and denunciation of the statements made by the spokeswoman of the Indian Bharatiya Janata Party, which insult the Prophet Muhammad, peace and blessings be upon him.” pic.twitter.com/dmZ65RinGR
حرمین شریفین کے امورکے نگراں ادارے کے صدر اورامام کعبہ شیخ عبدالرحمن السدیس نے بی جے پی کی رہنما کی نبی کریم ﷺ کی شان میں گستاخی کی شدید مذمت کی اور کہا کہ ایسے گھناو¿نے بیانات مذاہب کے عدم احترام کی مثال ہیں۔
ان کا کہنا تھا کہ ایسے بیانات دینے والوں نے نبی کریم ﷺ کی سیرت کا مطالعہ نہیں کیا ہے۔ آپ ﷺ سب سے افضل، انسانیت کا نوراور تمام جہانوں کیلئے رحمت ہیں۔
انہوں نے مزید کہا کہ اس سلسلے میں ہمارا موقف واضح ہے، سعودی عرب تمام مذاہب اورعقائد کے احترام، امن کے پیغام کو عام کرنے اسلامی شعائرکی توہین نہ کرنے پریقین رکھتا ہے۔
