کولمبو: پاکستان کرکٹ ٹیم دو ٹیسٹ میچوں کی سیریز کے لیے کولمبو پہنچ گئی ہے۔ سیریز کا آغاز 16 جولائی سے ہوگا۔
نیو نیوز کے مطابق پاک سری لنکا ٹیسٹ سیریز کیلئے بابر اعظم کی قیادت میں 18 کھلاڑی اور منیجمنٹ کے 13 ارکان کولمبو پہنچے ہیں۔
قومی ٹیم 2015 کے بعد پہلی مرتبہ سری لنکا کا دورہ کر رہی ہے۔ پہلا ٹیسٹ 16 جولائی سے 20 جولائی تک گالے میں کھیلا جائے گا، جبکہ دوسرا ٹیسٹ میچ 24 جولائی سے 28 جولائی تک کولمبو میں شیڈول ہے۔
