کیپ ٹاؤن: جنوبی افریقہ نے پاکستان کو دوسرے ٹیسٹ میچ میں بھی شکست دے کر سیریز 0-2 سے اپنے نام کر لی۔ میزبان ٹیم نے 58 رنز کا ہدف بغیر کسی وکٹ کے نقصان کے محض 8 اوورز میں مکمل کر لیا، اور یوں سیریز اپنے نام کر لی۔
جنوبی افریقہ کی طرف سے ڈیوڈ بیڈنگھم 30 گیندوں پر 44 رنز جبکہ ایڈن مارکرم 13 گیندوں پر 14 رنز کے ساتھ ناٹ آؤٹ رہے۔پاکستان نے چوتھے دن کا آغاز کپتان شان مسعود اور نائٹ واچ مین خرم شہزاد کے ساتھ کیا۔ اس وقت پاکستان کا اسکور 235 رنز تھا، اور اس اسکور پر خرم شہزاد 18 رنز بنا کر آؤٹ ہو گئے۔ اس کے بعد کامران غلام 28 رنز بنا کر پویلین واپس لوٹ گئے۔
شان مسعود کا ساتھ دینے کے لیے سعود شکیل آئے اور دونوں کے درمیان 51 رنز کی شراکت بنی۔ تاہم، 329 کے مجموعے پر سعود شکیل کگیسو ربادا کی گیند پر کیچ آؤٹ ہو گئے۔ شان مسعود نے 145 رنز بنا کر اسی سکور پر پویلین لوٹنے سے پہلے ایک طویل اننگز کھیلی۔
چھٹی وکٹ پر محمد رضوان اور سلمان علی آغا نے 88 رنز کی اہم شراکت قائم کی، جس سے پاکستان کی پوزیشن مستحکم ہوئی۔ محمد رضوان 41 رنز بنا کر کیشو مہاراج کی گیند پر کیچ آؤٹ ہو گئے، اور سلمان علی آغا 48 رنز بنا کر 441 رنز پر آؤٹ ہو گئے۔
آٹھویں وکٹ پر عامر جمال اور میر حمزہ نے 37 رنز کی شراکت قائم کی جس کے بعد پاکستان کا اسکور 478 رنز تک پہنچا۔ تاہم، دونوں کھلاڑی بھی آؤٹ ہو گئے اور پاکستان 9 وکٹوں کے ساتھ آل آؤٹ ہو گیا۔جنوبی افریقہ کی طرف سے کگیسو ربادا اور کیشو مہاراج نے 3، 3 وکٹیں حاصل کیں، جبکہ مارکو یانسن نے 2 اور کوینا ماپھاکا نے ایک وکٹ لی۔
پاکستانی ٹیم 451 رنز کے خسارے سے اپنی دوسری اننگز کا آغاز کر رہی تھی۔ اوپنرز شان مسعود اور بابر اعظم نے شاندار بیٹنگ کا مظاہرہ کیا اور پہلی وکٹ پر 205 رنز کی شراکت قائم کی۔ بابر اعظم 81 رنز بنا کر مارکو یانسن کی گیند پر آؤٹ ہو گئے۔پہلی اننگز میں بابر اعظم نے 58 رنز اور محمد رضوان نے 46 رنز بنائے تھے۔ جنوبی افریقہ کے بولرز نے پاکستان کو 194 رنز پر آؤٹ کر کے فالو آن کا سامنا کرایا تھا۔
کیپ ٹاؤن ٹیسٹ کے دوسرے دن جنوبی افریقہ کی ٹیم نے 615 رنز پر پہلی اننگز کا اختتام کیا۔ اس میں ریان ریکلٹن کی ڈبل سنچری، ٹمبا باووما اور کائل ویریانے کی سنچریاں شامل تھیں۔
پاکستان کی طرف سے محمد عباس اور سلمان علی آغا نے تین، تین وکٹیں حاصل کیں، جبکہ میر حمزہ اور خرم شہزاد نے دو دو وکٹیں حاصل کیں۔
جنوبی افریقہ نے پاکستان کو دونوں ٹیسٹ میچوں میں شکست دے کر سیریز 0-2 سے اپنے نام کی، اور ایک شاندار پرفارمنس کا مظاہرہ کرتے ہوئے سیریز کی جیت مکمل کی۔
